Akteurs Ryan Gosling en Emma Stone het gehore vroeër vanjaar betower in die fliek La La Land. Hulle is albei bekroon vir hul rolle in dié musiekblyspel – Ryan met die Golden Globe-toekenning as beste akteur en Emma met ’n Golden Globe-, Screen Actors Guild- én Oscar-toekenning as beste aktrise. Maar Ryan en Emma het nie net talent vir toneelspeel in gemeen nie; nie een van hulle het ooit skool klaargemaak nie!
Emma het aan die internasionale tydskrif Vanity Fair vertel dat sy skool verlaat en Los Angeles toe getrek het om ’n loopbaan as aktrise na te jaag. En om aan die lewe te bly, het sy deeltyds by ’n hondebakkery gewerk.
Ryan het vir dieselfde rede skool opgeskop en is vandag een van Hollywood se bekendste akteurs.
Hier is nog akteurs sonder ’n hoërskoolsertifikaat:
1. Wie sal ooit daardie toneel in die ikoniese fliek Ghost vergeet waar aktrise Demi Moore by die pottebakkerswiel sit met medester Patrick Swayze agter haar, besig om saam ’n kleipot te vorm – een van die vele suksesvolle rolprente waarin Demi gespeel het. Demi het in 1996 die nuusblaaie gehaal as die hoogsbetaalde aktrise in rolprentgeskiedenis toe sy ’n betaaltjek van R172 miljoen ($12.5 miljoen) gekry het vir haar rol in die fliek Striptease.
2. Akteur Mark Wahlberg, bekend vir sy rolle in The Departed en The Fighter, het eers op 42 sy hoërskoolsertifikaat gekry.
3. Pleks van voor die boeke sit, het akteur Tom Cruise hoërskool vaarwel geroep en New York toe getrek om toneel te gaan speel.
4. Akteur Johnny Depp wou aanvanklik ’n rock-musikant word en het besluit om nie tot ná sy skoolloopbaan te wag om dié droom na te jaag nie.
5. En kan jy glo entrepreneur Walt het sonder ’n hoërskoolsertifikaat een van Hollywood se mees suksesvolle vervaardigers en sakemanne geword.
Bykomende bron:
The post Bekendes sonder ‘matriek’ appeared first on SARIE.
🤗🤗
#thevoicesa #teambobby @thevoice_sa @mnettv @samsungsa @subaru_sa @dialdirect @truworthsfashion @cocacolaza
@theolabooyens #
@izellebodenstein @real7delaan 